www.nettime.org
Nettime mailing list archives

<nettime> rusian kombato kontre europa
humanzsuk on Tue, 25 Aug 1998 19:15:56 +0200 (MET DST)


[Date Prev] [Date Next] [Thread Prev] [Thread Next] [Date Index] [Thread Index]

<nettime> rusian kombato kontre europa


segun pur teorial resone es ya inter katolikisme e protestantisme ke
exista li grand skisme in li kristanaro.  in li dogmati opiniones
fundamental li diferos es extremim poki inter li katolikisme e li
ortodoxia.  les [they] relate primim li doktrine pri purgatorie e li
famosi "filioque" - tum es li interesanti kontroverso pri ob li sankti
spirite emana anke fro li filio o fro li patro solim. 

ma, sat stranji, studio del eklesial historie revela ke non es li dogma ma
li traditione kel krea heresianes.  inter li kristanismen praktikal
praktiso in lun [its] luterani e in lun katoliki forme exista nul difero.
por ambes ortodoxia kontrastim representa sin irgi duto absolutim
stranjeri religione. 

li westeuropani kristanisme es super omnum eti [ethical], rationalisti e
intelektual.  li antiqui filosofia, li medieval skolastike, li renesans-
humanisme, li reformatione e li jesuital etike ha stampa li kristanisme,
chake segun sen manere.  segun ke on aksepta li europani kulture e li
europani etike, on mus pro tum anke aksepta li kristanisme.  kultivat e
eti pagane in li moderni europa es pur paradoxe.  por tu es pagane, on mus
retrovada en [into] la barbarstadie - tum es en ti kulture, kel existad in
europa ante li introduktione del kristanisme. 

in li ortodoxi kristanisme non exista dis probleme.  li ortodoxia have
nuli filosofial o intelektual traditione, nuli reformatores e nul etikal
teoriistes.  lu have dogma e ritu, incense e ikones, ma lu non determina
li homesen pensado e non kontakta kun lesen intelektual kulture.  ke dis
primitiv kristanisme povud transforma li marxisti materialisme en aminim
partim idealisti idee, es pro tum absolutim nonpensabli.  ma sembla
kontrastim ke li rusi marxisme in manere sat komodi e simpli pove nihilisa
desagreabli konkurante.  un tre primitiv idealisti idee bli suplanta da
altri tali mem plu primitiv materialisti.  disum es li uni latere del
traditionen metamorfose, kel li rusi bolshevisme representa. 

in nusen tempe rusia es separat fro li ceteri europa per abisme [abyss],
kel es plu profundi kam irgitem antee.  rusia e westeuropa es du diferanti
mondes, keles sempre plu isola es fro mutu.  rusia ha turna li dorse a
europa e separa se resolutim e konsciosim fro irgi "infektione" de
europani kulture. 

plusum ve seku. 

---
#  distributed via nettime-l : no commercial use without permission
#  <nettime> is a closed moderated mailinglist for net criticism,
#  collaborative text filtering and cultural politics of the nets
#  more info: majordomo {AT} desk.nl and "info nettime-l" in the msg body
#  URL: http://www.desk.nl/~nettime/  contact: nettime-owner {AT} desk.nl